Tuesday, August 12, 2008
കവിത - കെ.എസ്. സുധീര്‍ കരിമ്പ
ഇനി എല്ലാവരും പൂമ്പാറ്റയെപ്പറ്റി കവിതയെഴുതണം. പതിനഞ്ച് മിനിറ്റിനുള്ളില്‍ തീര്‍ക്കണം. ഷീല ടീച്ചര്‍ എല്ലാവര്‍ക്കും നിര്‍ദ്ദേശം നല്‍കി. രഘു തനിക്കുകിട്ടിയ പേപ്പറിലേക്ക് നോക്കിയിരുന്നു. അവനൊന്നും എഴുതാന്‍ കഴിഞ്ഞില്ല. സമയം ൧൨ മണി. കഞ്ഞിയുടെയും പയറിന്റെയും സുഖകരമായ മണം അവനെ അസ്വസ്ഥനാക്കി. ഇന്നലെ രാത്രി കഴിച്ച കപ്പയുടെ ഓര്‍മ്മയില്‍ അവന്‍ കടലാസ് ചുരുട്ടിക്കൊണ്ടിരുന്നു. കഴിഞ്ഞോ ... ഷീല ടീച്ചര്‍ എഴുന്നേറ്റു. അവന്‍ തിടുക്കത്തില്‍ ആദ്യവരി എഴുതി. "പൂമ്പാറ്റക്ക് വിശക്കുന്നു".അപ്പോഴേക്കും ടീച്ചര്‍ പേപ്പര്‍ കൈവശപ്പെടുത്തി!
Subscribe to:
Post Comments (Atom)
3 comments:
ആ ബ്ലാങ്ക് പേപ്പറിൽ അവനൊരു വലിയ കവിത എഴുതിയിരുന്നത് റ്റീച്ചർ കണ്ടൂകാണുമോ എന്തോ
തിര്‍ച്ചയായും ആ ടീച്ചര്‍ ആ കവിത കണ്ടില്ല ലക്ഷ്മി..
പക്ഷേ അതു കാണുന്ന ടീച്ചറും നമ്മുടെ സമൂഹത്തിലുണ്ട്. കുട്ടികളെക്കാളേറെ അദ്ധ്യാപകരെ ചിന്തിപ്പിക്കുന്ന കഥ...
nannayi ennu paranjotte
Post a Comment